USanral usabisa ngokufaka enkantolo abangawakhokheli ama-e-toll

2017-03-20 12:29

Johannesburg – Labo abangayikhokheli imigwaqo ekhokhelwayo, ama-e-toll, bangase bayiswe enkantolo, kukho iSouth African National Roads Agency (Sanral).

Lokhu kulandela isinqumo sokuqala esikhishwe yiNkantolo eNkulu yasePitoli mayelana nesikweleti sama-e-toll.

ICity Press ibike ukuthi inkantolo inqume ukuthi i-One Stop Building Supplies kumele ikhokhele uSanral imali elinganiselwa ku-R436 407.75 ngokushayela emigwaqeni ekhokhelwayo, u-R436 407.75 eGauteng phakathi kwamhlaka-3 ku-Agasti 2013, kuya kumhlaka-31 ku-Agasti 2015.

OLUNYE UDABA: Cosatu: Azishiwe izicwadi zezikweletu zama-e-toll

Ngomhlaka-24 ku-Okthoba ngonyaka odlule, kwafakwa incwadi yasenkantolo kumnikazi we-One Stop, uNaomi Strydom, nalapho ahluleka khona ukuzivikela enkantolo ezinsukwini ezingu-20 ezalandela, iCity Press ibike kanjalo.

Okhulumela uSanral, uVusi Mona, uthi lesi sinqumo sizoba yisifundo nakwabanye abashayeli kanye nezinkampani ezingazihluphi ngokukhokhela izikweleti zama-e-toll ukuze zizokwazi ukuthi zizofakwa enkantolo. “Siphinde sisho (isinqumo senkantolo) ukuthi ubufakazi bokungakhokhi obahanjiswa uSanral bamukelwe yinkantolo,” usho kanje.

Uqhube wathi bayethemba ukuthi lesi sinqumo senkantolo ngecala lokungakhokhi sizonxenxa nezinye izinkantolo ukuthi zibukele kule nkantolo uma zithatha izinqumo ngamacala afuze lawa.

Uthi kuwumsebenzi wabo abawuthathela phezulu ukuqoqa imali yama-e-toll.

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 15-18°C Partly cloudy. Cool. Pta: 13-33°C Sunny. Pleasantly warm.
Jhb: 10-28°C Sunny. Pleasantly warm. Bloem: 13-30°C Sunny. Pleasantly warm.
Dbn: 19-33°C Sunny. Hot. PE: 17-25°C More sun than clouds. Mild.
Isibikezelo sezulu sezinsuku ezingu-7...