UCapitec uqinisekise eyokuvala ama-akhawunti ka-MMM

2016-05-30 17:01

Cape Town – Elinye lamabhange amakhulu kuleli, uCapitec, usudalule ukuthi usuvale ama-akhawunti asebhange angu-2 000 amakhasimende ayamaniswa nestokfela sakwa-MMM.

Isikhulu esiphezulu kwaCapitec, uGerrie Fourie, ukhulume eseStellenbosch emhlanganweni wonyaka, watshela iFin24 ukuthi lesi sinqumo sithathwe ngoba bezama ukuvikela amakhasimende abo.

“Isithinte kakhulu eyebhanoyi lakwa-MMM,” esho.

UFourie uthe ngemuva kokwazi ngaleli bhanoyi, ibhange labe seliqala liba mehlomane ngemali efakwayo nekhishwayo emayaniswa no-MMM, ngaphambi kokumisa la ma-akhawunti.

OLUNYE UDABA: 'I-MMM izovalelwa ukunothisa iningi'

“Sivale ama-akhawunti angaphezulu kuka-2 000 abebandakanyeka kulesi stokfela,” esho.

“Amanye amakhasimende ayenodlame ngale ndlela yokuthi sagcina sesiqasha onogada.”

UFourie ube esegxeka ibhange loMbuso ngokungalusukumeli lolu daba ngokushesha, ngemuva kokuthi libazise ngo-MMM ngasekuqaleni kwalo nyaka.

“Salubika udaba lakwa-MMM kodwa lwaze lwasukunyelwa ngemuva kwezinyanga ezine. Konke esikwenzayo sikwenza ngoba sivikela amakhasimende,” esho.

Thola udaba oluphelele ku-Fin24.

- Finance24

Isimo sezulu
Emigwaqweni
iLotto
Cpt: 12-19°C Sunny. Mild. Pta: 15-24°C Showers late. Broken clouds. Mild.
Jhb: 12-22°C Mostly sunny. Mild. Bloem: 6-22°C Mostly sunny. Mild.
Dbn: 19-22°C a few tstorms. Decreasing cloudiness. Cool. PE: 11-20°C More sun than clouds. Mild.
Isibikezelo sezulu sezinsuku ezingu-7...