U-MTN uxwayisa amakhasimende ngokuqolwa okuqhubekayo

2017-07-18 12:32

Johannesburg – Isikhondlakhondla senkampani yezokuxhumana, u-MTN, usuxwayise amakhasimende awo ngokuqolwa okuqhubekayo okuphathelene nokushintshwa kwamakhadi omakhalekhukhukhwini (SIM swap) nokuhloswe ngakho ukuthola imininingwane yangasese yamakhasimende.

“Kulokhu kuqolwa, ozenza umsebenzi we-call centre yakwa-MTN ucela imininingwane yezokuphepha yekhasimende ngaphansi kwesizathu sokuthi kuvalwa ukuqhubeka kwesicelo se-SIM swap esenziwe enombolweni yekhasimende ngaphandle kokwazi kwalo noma ukugunyaza,” u-MTN usho kanjalo esitatimendeni.

OLUNYE UDABA:Nazi izibhedlela ezingu-20 ezihamba phambili eMzansi

Le nkampani iqhube yathi la maqola abe eseqhubeka esesebenzisa izimpendulo azinikezwe ikhasimende engxoxweni ukuze enze i-SIM swap ngokuwumkhonyovu.

“Kubalulekile kumakhasimende ukwazi ukuthi uMTN angeke uwathinte amakhasimende e-call centre yawo ukuvimba ukuqhubeka kwesicelo se-SIM swap,” u-MTN usho kanjalo.

Uma ngabe sekuphothulwe uhlelo lwe-SIM swap – okuwukusebenzisa inombolo efanayo ekhadini elihlukile – amaqola abe esesebenzisa imininingwane yekhasimende ukuze enze izenzo eziwukukhwabanisa ezifana nokuvuselelwa kwezinkontileka zomakhalekhukhwini. 

- Finance24

Isimo sezulu
Emigwaqweni
iLotto
Cpt: 12-16°C a few showers. Morning clouds. Cool. Pta: 19-28°C More sun than clouds. Pleasantly warm.
Jhb: 16-23°C a few showers. More sun than clouds. Mild. Bloem: 14-25°C High level clouds. Pleasantly warm.
Dbn: 18-25°C Heavy rain. Mostly cloudy. Mild. PE: 14-19°C More sun than clouds. Mild.
Isibikezelo sezulu sezinsuku ezingu-7...