U-Eskom uzobolekwa u-R20b yibhange laseChina

2017-07-04 11:00

Cape Town – Isikhondlakhondla senkampani ephehla amandla kagesi kuleli, u-Eskom, sizosayina isivumelwano sokubolekwa imali sika-$1.5bn (R19.78bn) neChina Development Bank ngoLwesine, njengoba le nkampani kahulumeni iqhubeka nezinhlelo zokuthola imali ezoqhuba ngayo umsebenzi onyakeni ka-2017.

NgeSonto eledlule, obambe njengesikhulu esiphezulu kwa-Eskom, uJohnny Dladla, udalule ukuthi u-Eskom uthole u-77% wemali yokuqhuba umsebenzi wayo onyakeni wezimali ka-2017/18.

Uthe onyakeni ka-2016/17 wezezimali, u-Eskom unyuse ukuboleka kwawo imali kwaze kwafinyelela ngaphezu kuka-R60bn.

OLUNYE UDABA: Akasekho emhlabeni umphathi webhange Ithala

Esitatimendeni ngesonto eledlule, uDladla uthi bayazethemba ukuthi bazogcina bekwazile ukuthola imali edingekayo yokuqhuba umsebenzi wa-Eskom, phezu kwezimo ezinzima emnothweni.

Uthi abayiboni into engabanika inkinga, ikakhulukazi njengoba bephinde bathole ukuzibophezela kukahulumeni ngokuthi kube uyena okhokha isikweleti uma ngabe u-Eskom ehluleka ukukhokha.

Lokhu kubolekwa imali kuka-Eskom kuza phezu kokuthi le nkampani ephehla amandla kagesi isanda kwehliselwa esigabeni esiphansi sesimo sozinzo lwezimali (downgrade) okwenziwa yizikhungo eziklelisa izinga leminotho yamazwe kanye nezinkampani, iMoody’s, i-S&P kanye neFitch.

- Finance24

Isimo sezulu
Emigwaqweni
iLotto
Cpt: 14-20°C Sunny. Mild. Pta: 9-28°C Sunny. Pleasantly warm.
Jhb: 7-23°C Sunny. Mild. Bloem: 6-25°C High level clouds. Mild.
Dbn: 14-24°C Morning clouds. Mild. PE: 12-21°C Morning clouds. Mild.
Isibikezelo sezulu sezinsuku ezingu-7...