Kuthiwa abalindele izindaba ezimbi abashayeli bezimoto

2017-07-28 16:00

Johannesburg – Intengo kaphethiloli kulindeleke ukuthi iphinde inyuke eNingizimu Afrika, ngokusho kwe-Automobile Association (AA), nethi umbiko wentengo kaphethiloli wokuphela kwenyanga ongacwaningiwe nokhishwe yiCentral Energy Fund (CEF), uqinisekisa ukuqagula okwenziwe maphakathi nenyanga.

I-AA ithi: “Ukunyuka esikulindele ekupheleni kukaJulayi kwenziwe kakhulu ukuba ntekenteke kwerandi uma liqhathaniswa nedola laseMelika."

OLUNYE UDABA:Izwe lizovala ukudayiswa kwezimoto ezisebenzisa uphethiloli, udizili ngo-2040

Le nhlangano ithi irandi yilona elibe nengxenye enkulu yomthelela kulokhu kunyuka, kanti umthelela omncane ube ngenxa yentengo kawoyela emhlabeni wonke.

Uphethiloli kulindeleke ukuthi unyuke ngemali elinganiselwa ku-20 cents ilitha, udizili wona ulindeleke unyuke ngo-31 cents, bese kuthi uphalafini wona unyuke ngo-27 cents ilitha.

U-AA uthi yize noma irandi lilokhu liqhubeka nokungazinzi, intengo kawoyela ezweni lonke isinyuke kakhulu ezinsukwini eziyishumi ezedlule.

Le nhlangano ithi uma ngabe lokhu kulokhu kuqhubeka kwenzeka kuze kube u-Agasti, abashayeli bezimoto kuzofanele “balindele ezinye izindaba ezimbi”. 

- Wheels24

Isimo sezulu
Emigwaqweni
iLotto
Cpt: 14-16°C a few tstorms. More clouds than sun. Cool. Pta: 9-24°C Sunny. Mild.
Jhb: 7-19°C Sunny. Mild. Bloem: 3-23°C Sunny. Mild.
Dbn: 16-25°C Mostly sunny. Mild. PE: 12-23°C High level clouds. Mild.
Isibikezelo sezulu sezinsuku ezingu-7...