Kumele yehle intengo yama-data - Icasa

2017-08-03 07:03

Cape Town – Kumele ancishiswe amanani okubiza kwama-data, lawa ngamazwi kaSihlalo we-Independent Communications Authority of South Africa (Icasa) uRubben Mohlaloga lapho abetshela khona iPhalamende ngoLwesithathu.

Uthi iyinkinga indaba yokungacaci kahle kanye nokubiza kakhulu kwama-data.

UMohlaloga utshele ikomodi lezokuxhumana nemisebenzi yomphakathi ukuthi bazobuyekeza umthetho omayelana nemali ekhokhwayo embonini yezokuxhumana ngomakhalekhukhwini.

Uthe enye yezinto abazozibhekisisa wukuphelelwa yisikhathi kwama-data agcine esedleka engakapheli, kanti bona bazi ukuthi akumele aphelelwe yisikhathi uma umuntu ewathengile.

OLUNYE UDABA:UCell C wehlise kakhulu ama-data, ungase umise kabi izimbangi

Leli komidi lizwe ukuthi asikho isizathu esizwakalayo esuphuma ezinkampanini maleyana nokubiza kangaka kwama-bundle ama-data.

I-Icasa ithi isizwile isikhalo sabantu bakuleli ngamanani amba eqolo ama-data, yingakho elusukumela lolu daba.

UMohlaloga uthi ama-data aseNingizimu Afrika abiza kakhulu ukudlula awamazwe akhelene nayo njengeMalawi, Tanzania, Mozambique neLesotho.

- News24

Isimo sezulu
Emigwaqweni
iLotto
Cpt: 12-19°C Sunny. Mild. Pta: 15-24°C Showers late. Broken clouds. Mild.
Jhb: 12-22°C Mostly sunny. Mild. Bloem: 6-22°C Mostly sunny. Mild.
Dbn: 19-22°C a few tstorms. Decreasing cloudiness. Cool. PE: 11-20°C More sun than clouds. Mild.
Isibikezelo sezulu sezinsuku ezingu-7...