IPrasa isiphinde yaqoka ibamba lesikhulu esiphezulu eminyakeni emibili

2017-12-07 14:01

Johannesburg - Isikhondlakhondla senkampani ehaqwe yizinkinga iPassenger Rail Agency (Prasa) isiqoke uCromet Molepo njengebamba lesikhulu esiphezulu.

UMolepo uyibamba lesikhulu esiphezulu lesithathu ukukhethwa kule minyaka emibili eyedlule.

INews24 ipotshozelwe ezithi uMolepo, owake washiya kwenye inkampani engaphansi kukahulumeni ngezinsolo zokungayiphathi ngendlela imali, uqokelwe esikhundleni sakwaPrasa ngoLwesine ekuseni.

UMolepo ube eseqinisekisa ukuthi uqokelwe kulesi sikhundla.

OLUNYE UDABA: I-MK ichitha imizamo yokubulala usihlalo wePrasa

Ebuzwa ngezinhlelo anazo ukuqinisekisa ukuthi iPrasa ibuyela emgqeni, uMolepo uthe uzoncika kakhulu olwazini analo kulo mkhakha. UMolepo wake waba yinhloko yeRail Operations.

"Sengineminyaka eminingi ngisebenza kulo mkhakha, ngiyawuqonda kakhulu umsebenzi wakwaPrasa. Ngiyazazi futhi izingqinamba le nkampani ebhekene nazo nokuthi yini edingekayo ukuze inkampani ikwazi ukusebenzela umphakathi," kusho uMolepo.

Ngokwemibiko yaphambilini, uMolepo wamiswa wuMngeni Water, KwaZulu-Natal, kulandela izinkomba zokuthi uyathinteka ekusetshenzisweni ngokungemthetho kwemali.

UMolepo nokho uthi akazange amiswe, kepha wazisulela yena kuMngeni Water.


- Fin24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 14-17°C Scattered showers. Partly cloudy. Cool. Pta: 18-29°C Morning clouds. Pleasantly warm.
Jhb: 16-23°C Morning clouds. Mild. Bloem: 12-29°C Sunny. Pleasantly warm.
Dbn: 18-24°C More sun than clouds. Mild. PE: 13-21°C More sun than clouds. Cool.
Isibikezelo sezulu sezinsuku ezingu-7...