Eyesibonelelo izokhokhwa ngenkontileka entsha noCPS

2017-03-07 11:00

Cape Town – Izinkinga ezithinta inkontileka ye-Cash Paymaster Services (CPS) sezixazululilwe ngenkontileka entsha ephakathi kwale nkampani kanye no-Sassa, lokhu kushiwo uMnyango wezokuThuthukiswa koMphakathi ngoMsombuluko, eKapa.

“Ngosuku lokuqala ku-Ephreli siqala inkontileka entsha, kodwa nenkampani efanayo,” kusho owakwa-SA Social Security Agency (Sassa), uZodwa Mvulane, esithangamini sabezindaba ebesiseKapa.

“Asidingi ukuya enkantolo ukucela ukulula (inkontileka). Kodwa sizoya enkantolo siyozichaza,” usho kanje.

OLUNYE UDABA: Ugxekiwe okhulume ngoMageba emsakazweni olalelwa yizinhlanga zonke

NgoMashi wangomhlaka-15, iNkantolo yoMthethosisekelo izolalela isicelo seBlack Sash sokuthi inkantolo iphinde iqaphe ngeso lokhozi uhlelo lokuholelwa kwesibonelelo sikahulumeni kanye nokuthi kuvezwe obala imininingwane yesivumelwano esisayiniwe.

Ngonyaka ka-2014, inkantolo yanquma ukuthi inkontileka ye-CPS yayingekho emthethweni yabe isiyalela ukuthi kube nohlelo olusha lokukhishwa kwethenda. Kodwa-ke ngenxa yokuthi ayikho enye inkampani eyatholakala neyayingakhona ukuthi yenze lo msebenzi, isinqumo sokungabi semthethweni kwale nkontileka salengiswa kuze kube umhlaka-31 kuMashi.

UMnyango bekumele ube usunohlelo lwawo lokuholela uma sekufika umhlaka-1 ku-Ephreli, kodwa lokhu akukenzeki, nosekudale ukusabela ngokuthi abantu abangu-17 million bazosithola kanjani isibonelelo.

 - “Like” ikhasi lethu kuFacebook ukuze uthole izindaba ngolimi lwakho                                

 - Landela IzindabaNews24 kuTwitter     

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 13-17°C Morning clouds. Cool. Pta: 6-24°C Sunny. Mild.
Jhb: 4-20°C Sunny. Mild. Bloem: 2-17°C Sunny. Mild.
Dbn: 16-20°C Showers late. Afternoon clouds. Cool. PE: 11-18°C More sun than clouds. Mild.
Isibikezelo sezulu sezinsuku ezingu-7...