Abakwa-Ford bazodiliza abasebenzi abangu-1400

2017-05-18 12:30

Detroit – Isikhondlakhondla senkampani yaseMelika eyakha izimoto, uFord, siyaqhubeka nezinhlelo zokudiliza abasebenzi emhlabeni wonke.

Le nkampani esineminyaka engu-114 selokhu yasungulwa ngoLwesithathu (17 Meyi) ithe izodiliza abasebenzi abangu-1400 eNorth America kanye nase-Asia Pacific. Le nkampani izonikeza abasebenzi ithuba lokuthi bathathe umhlalaphansi isikhathi singakashayi eminyangweni yayo eyehlukene okubalwa kuyo umnyango wezokudayisa, owezokumaketha kanye nomnyango wakwandabazabantu. Ilindele ukuthi lokhu kube sekuphothuliwe ngoSepthemba.

OLUNYE UDABA: IVIDEO: Abakwa-Ford SA baphendula ngemoto eshe ihamba

Emyalezweni we-email othunyelelwe abasebenzi, uFord uthe ufuna ukuqinisa ibhizinisi lawo bese utshala imali kakhulu emathubeni amasha.

UFord akusiyo kuphela inkampani edilizayo njengoba nenye inkampani enkulu yezimoto, uGeneral Motors Co, ngo-Ephreli yathi icabanga ukudiliza abanye babasebenzi bayo ukuze inciphise izindleko.

UFord akusiyo kuphela inkampani esenkingeni njengoba nokuthengwa kwezimoto eMelika sekwehlile ngemuva kweminyaka eyisikhombisa kulokhu kunyuka.

Oyi-Executive Chairman yakwaFord, uBill Ford, utshele abatshalimali ukuthi naye akajabulile njengoba nabo bengajabulile ngokungahambi kwezinto kule nkampani. 

- AP

NEXT ON NEWS24 ISIZULUX
Ezifundwe ukuzedlula zonke
Ezi-emailwe ukuzedlula zonke
Ezithasiselwe ukuzedlula zonke
Isimo sezulu
Emigwaqweni
iLotto
Cpt: 11-15°C Mostly sunny. Cool. Pta: 13-28°C High level clouds. Pleasantly warm.
Jhb: 12-24°C Showers late. More sun than clouds. Mild. Bloem: 13-25°C Showers early. More sun than clouds. Pleasantly warm.
Dbn: 17-25°C a few showers. Afternoon clouds. Mild. PE: 14-19°C More sun than clouds. Mild.
Isibikezelo sezulu sezinsuku ezingu-7...