UMalema nguyena ubhongoza - Dlamini

2012-09-13 11:01

Johannesburg - Umbiko wangoLwesine uthi ukuqhubeka nokungaboni ngasolinye kubasebenzi nabaphathi eLonmin, nosekukapakela nakwezinye izimayini kudalwa ukwahlukana kwe-ANC, kanti baholwa nguJulius Malema phambli, kusho umengameli weCosatu uSdumo Dlamini.

Umholi womfelandawonye wezinyunyana utshele iBusiness Day ukuthi lokhu okuqhubekayo yinto ekade yahlelwa yilabo abanokwelukana eqenjini le-ANC.

Laba banethemba lokuthi bazodala umsindo ku-ANC ngaphambi kwengqungquthela yokukhetha ubuholi ezobanjelwa eMangaung ngoDisemba, ukuze iqembu liphoqeleke ukuba limsuse uJacob Zuma esikhundleni sokuba nguMengameli we-ANC.

"Siyakwazi futhi ukuthi kunabathile abakhokhela uMalema ngalokhu ukuze kufezeke izinhloso zabo,” usho kanje etshela iphephandaba.

"UMalema angaba umuntu ohamba phambili kodwa siyazi ukuthi bakhona abakhulu abamesekayo, yena nje kugadlwa ngaye.”


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter


- SAPA

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 10-16°C Mostly sunny. Cool. Pta: 6-16°C Sunny. Refreshingly cool.
Jhb: 1-10°C Sunny. Cool. Bloem: 2-12°C More clouds than sun. Cool.
Dbn: 13-17°C Numerous showers. Mostly cloudy. Cool. PE: 11-16°C Numerous showers. Mostly cloudy. Cool.
Isibikezelo sezulu sezinsuku ezingu-7...