UGigaba akachaze ngoKona - DA
2013-02-12 16:16
Johannesburg - UNgqongqoshe wezamaBhizini oMphakathi uMalusi Gigaba kumele achaze izizathu eziholele ekutheni kumiswe isikhulu sakwaSA Airways uVuyisile Kona, kusho iDemocratic Alliance.
"Kuyakhathaza ukuthi lesi yisikhulu sesithathu kusukela ngo-2009. Indlela uKona ahlukane ngayo nenkampani iyakhathaza," kusho umkhulumeli weqembu uNatasha Michael.
"Akuzwakali ukuthi umiselweni.”
NgoMsombuluko, abakwa-SAA bamemezele ngokumiswa kukaKona, kulandela izinsolo ezithile.
Ibhodi icele isikhulu senkampani yakwaMango uNico Bezuidenhout, ukuthi kube nguye obheka umsebenzi okwamanje.
Ngonyaka owedlule, izikhulu zebhodi yakwa-SAA zashiya izikhundla zazo isigubhukane, izikhulu zihlanganisa nosihlalo uCheryl Carolus, kanti ngaphambi kwalokho kwavela ukuthi inkampani ilahlekelwe yimali elinganiselwa ku-R1.3 billion.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela Izindaba News24 kuTwitter
(@IzindabaNews24).
