Siqashwe ngelokhozi isimo eLonmin
2012-09-21 07:50
Rustenburg - Onogada bezinkampani ezizimele baqhubekile nokulawula ukutheleka kwabantu emayini ye-platinum eLonmin, eMarikana, njengoba abasebenzi beza emsebenzini ngoLwesihlanu.
Lokhu kuza ngemuva kwesiteleka esaphelezelwa ukuchitheka kwegazi esaqala ngo-Agasti 10 lapho abasebenzi babefuna ukunyuselwa amaholo.
"Ngijabule kakhulu ngokuzoqala ukusebenza njengoba sengizohola kangcono nje,"
kusho umvukuzi uMosala Pula.
Abasebenzi baseLonmin babuyele emsebenzini ngoLwesine ngemuva kokwamukela isiphakamiso sokunyuselwa amaholo phakathi kuka-11 no-22%.
Ngesikhathi sesiteleka, kwashona abantu abangu-46, okubalwa nabangu-35 abadutshulwa babulawa ngamaphoyisa.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
- SAPA