Kushone umvukuzi waseMozambique e-Amplats

2012-11-13 12:01

Johannesburg - Isidumbu somvukuzi ongowaseMozambique sitholakale emagcekeni eAnglo American Platinum's (Amplats) emayini i-Amandelbult ngemuva kokushaywa kwabavukuzi abaningi, kusho amaphoyisa aseLimpopo ngoLwesibili.

"Ngesikhathi bebuya emsebenzini bahlaseliwe bashaywa ngamatshe," kusho uLieutenant Colonel Ronel Otto.

Lokhu kwenzeke ngoMsombuluko.

Isidumbu sendoda eneminyaka engu-56 ubudala sitholakathe kule ndawo engasehostela labavukuzi.

Abanye abashayiwe balimale kanzima, kusho yena.

Amaphoyisa athole ukuthi lona ubengeyona ingxenye yesiteleka.

Kwesinye isigameko emayini ye-platinum, naso esenzeke ngoMsombuluko, kuboshwe abantu abangu-22 kulandela ukuhilizisana okube khona phakathi kwabavukuzi abatelekile, amaphoyisa kanye nonogada.

U-Otto uthe laba bazovela enkantolo eNortham ngamacala okudala udlame emphakathini.

Okwamanje akakalazi ilanga abazovela ngalo.


 - Landela IzindabaNews24 kuTwitter


- SAPA

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 14-18°C High level clouds. Mild. Pta: 7-21°C Sunny. Mild.
Jhb: 5-17°C Sunny. Mild. Bloem: 4-18°C Sunny. Mild.
Dbn: 11-24°C Sunny. Mild. PE: 13-25°C Sunny. Warm.
Isibikezelo sezulu sezinsuku ezingu-7...