Isivumelwano nabathengisi basemigwaqeni eGoli
2012-05-16 10:06
Johannesburg - Idolobha iGoli lifikelele esivumelwaneni nabathengisi basemigwaqeni kuklandela ukwanda kwezinkonondo ezuithi amaphoyisa axhaphaza abadayisi, esebenzisa kabi amandla.
"Umhlangano ubanjwe ngemuva kokuthi abathengisi bebikele inyunyana yabadayisi iSA National
Traders' Retail Alliance ngezinsolo zokuhlukumeza ekuthiwa zenziwa ngamaphoyisa," kusho isitatimende.
"Umhlangano uhanjelwe yizikhulu eziphezulu kumasipala, amaphoyisa omgwaqo kanjalo nabathengisi basemigwaqeni."
Isivumelwano sithi amaphoyisa nabadayisi bazosebenzisana kuliwe nabadayisi abangenazo izimvume, abadayisi bazonikwa izigqebhezana ezishoyo ukuthi banazo izimvume.
"Abathengisi basemigwaqeni bayayalwa ukuthi balandele imigudu efanele njalo uma nebezinkinga, izikhulu zedolobha zikhona ukuthi zilalele izikhalazo zabathengisi."
– "Like" ikhasi lethu ku-Facebook uze ukwazi ukujoyina inkulumo
ngolimi lwakho.
– Landela IzindabaNews24 kuTwitter (@IzindabaNews24).
- News24
