Isiphakamiso esisha kwabe-Amplats

2012-11-14 12:02

Johannesburg - I-Anglo Platinum [JSE:AMS] (Amplats) isibekele abasebenzi abatelekile okusha etafuleni, kusho umholi wabasebenzi ngoLwesithathu, ngemuva kwezinyanga ezimbili kudlalwa umacashelana nosekudle inkampani imali elinganiselwa ku-R2.2bn.

I-Amplats, engaphansi kwenkampani enkulukazi yezimayini emhlabeni, i-Anglo American [JSE:AGL], inikeze abasebenzi bayo kuze kube namhlanje ukuba babuyele emsebenzini noma kungenjalo baxoshwe.

"Izolo sibenomhlangano nabaphathi kanti namhlanje siyokwazisa abasebenzi ukuthi zihambe kanjani izingxoxo. Kukhona okusha osekubekwe etafuleni," kusho u-Evans Ramokga, ohola abasebenzi e-Amplats, etshela abe-Reuters.

Akadalulanga iminininingwane ngokusha okubekwe etafuleni, uthe kumele kukhulunywe nabasebenzi kuqala.

Abasenzi abatelekile bakunqaba ngaphambilini okwakubekwe ngumqashi etafuleni okwakuhlanganisa nemali engu-R4 500 ababezoyithola kanye, kanye nesethembiso sokuba izingxoxo zamaholo zizoqala uma sekuzophela isivemelwano samaholo esikhona njengamanje, ngonyaka ezayo.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter


- News24

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 14-24°C Sunny. Mild. Pta: 5-23°C Sunny. Mild.
Jhb: 4-18°C Sunny. Mild. Bloem: 1-21°C Sunny. Mild.
Dbn: 8-22°C Morning clouds. Mild. PE: 12-26°C Sunny. Pleasantly warm.
Isibikezelo sezulu sezinsuku ezingu-7...