Inobudedengu i-Amplats - Shabangu

2013-01-16 10:01

Johannesburg - UNgqongqoshe woMnyango wezeziMayini uSusan Shabangu, usegxeke isikhulu senkampani i-Anglo American Platinum, uChris Griffiths, kulandela imibiko ethi inkampani izodiliza abasebenzi abalinganiselwa ku-14 000.

"Lalela la, ubudedengu bukaChris. Esitatimendeni sakhe wathi uzokhuluma ngezithinta umsebenzi. Angeke akhulume kanjani nathi singuhulumeni, uwushiya kanjani ngaphandle uhulumeni? Kunemigomo ekumele siyilandele," kusho uShabangu ekhuluma emsakazweni iSAfm.

Ungqongqoshe uthe bekumele inkampani i-Amplats ibe nokuxhumana okuningi nohulumeni, wathi baphule umthetho ngaphansi kweMineral and Petroleum Resources Development Act.

Ebuzwa ukuthi kungenza yini ibe sengcupheni imvume yemayini yokusebenza, uShabangu uphendule wathi: "Yibona ababeka imvume engcupheni...akuthina, yibo uqobo."

Umsakazo uphinde wakhuluma noGriffiths, othe kubalulekile ukuthi abuyele emuva ayokhuluma nongqongqoshe.

"Ngiyamuzwa uthukuthele kakhulu, kuyacaca unokudabuka ngalesi simo. Into engingazimisele ngayo ukuthi kube khona ukuqophisana ngamazwi emsakazweni phakathi kwami nongqongqoshe."




 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).

- SAPA

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 16-21°C Sunny. Cool. Pta: 17-29°C Showers late. More clouds than sun. Warm.
Jhb: 15-25°C Showers late. More clouds than sun. Mild. Bloem: 17-31°C Sunny. Pleasantly warm.
Dbn: 18-27°C More sun than clouds. Warm. PE: 17-23°C Morning clouds. Mild.
Isibikezelo sezulu sezinsuku ezingu-7...