ITelkom isiqoke amalungu ebhodi amasha

2012-11-15 10:01

Johannesburg - Inkampani yakwaTelkom isiqoke amalungu amabili ebhodi kanye nesigungu esiphezulu enkampanini yayo yamaselula, ngokusho kombiko weBusiness Day ngoLwesine.

Inkampani iqoke uJabulane Mabuza noKholeka Mzondeki beqokelwa ebhodini ngoLwesithathu, yaphinde yaxwayisa ngokwehla kwamasheya ngo-83%.

Amalungu ayisithupha ebhodi, kuhlanganisa nesikhulu esiphezulu uNombulelo Moholi kanye nomqondisi webhodi uNeo Phakama Dongwana, basula ngasekuqaleni kukaNovemba.

Ukukhethwa kukasihlalo kuzoba phakathi kwamalungu ebhodi, ikakhulukazi lawo aqokwe nguhulumeni, kusho umbiko weBusiness Day.

NgoLwesithathu, inkampani ixwayise ngokuthi imali yamasheya ingase yehle ngo-83%. Amasheya abo ehle ngo-10% kusukela kwasula uMoholi.

UNgqongqoshe wezokuXhumana uDina Pule wavotela ukuba kukhishwe amalungu amane ebhodi ngo-Okthoba.

ULazarus Zim wayengusihlalo womhlangani, wasula ngoSepthemba.

UMoholi waziphikisa izinsolo zokuthi uzimisele ngokusula kulandela ukushiya kukaZim.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter


- SAPA

Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 15-17°C Showers late. Partly cloudy. Cool. Pta: 17-28°C Showers early. Morning clouds. Warm.
Jhb: 16-23°C Showers early. Morning clouds. Mild. Bloem: 13-28°C Sunny. Pleasantly warm.
Dbn: 19-23°C Showers early. More sun than clouds. Mild. PE: 12-21°C More sun than clouds. Cool.
Isibikezelo sezulu sezinsuku ezingu-7...