I-Cosatu isamukele isinqumo se-NPA
2012-09-03 14:04
Johsnnesburg - Umfelandawonye wezinyunyana iCosatu isisamukele isinqumo seNational Prosecuting Authority sokudedela nokuhoxisa amacala okubulala abebekwe abavukuzi baseMarikana abangu-270.
"I-Congress of SA Trade Unions iyasamukela lesi sinqumo sokudedelwa kwabavukuzi nokuhoxiswa kwamacala abebethweswe wona," kusho okhulumela lo mfelandawonye uPatrick Craven.
I-Cosatu inxenxe ukuthi laba bavukuzi badedelwe ngokushesha, njengokwesithembiso se-NPA.
La bavukuzi baboshelwa ukudala uthuthuva emphakathini ngemuva kokuthi amaphoyisa avulela ngenhlamvu athela othulini abavukuzi ababesesitelekeni, kwashona abangu-34 kwathi abangu-78 balimala ngo-Agasti 16 kule mayini.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
- SAPA