Bavulelana amacala abakwa-SAA

2012-10-09 10:06

Johannesburg - Ummeli waloyo owabe eyisikhuku enkampanini yezindiza i-SAA uKhaya Ngqula, usetshele loyo owabe engusihlalo uCheryl Carolus, ukuthi uhlela ukumvulela icala lokwehlisa isithunzi.

Iphephandaba iBusiness Day libike ukuthi uNgqula uzofuna ukukhokhelwa isamba esingu-R40 million, njengenhlawulo yokwehliswa isithunzi.

Ummeli uThemba Langa utshele iphephandaba ukuthi bazovula icala.

Kuthiwa lokhu kuza ngemuva kokuthi uCarolus - oshiye emsebenzini ngesonto eledlule, watshela leli phephandaba mhlaka-30 Septhemba, wathi ibhodi yakwa-SAA ikwazile ukulwisana nobugebengu, ukuncintisana, inkohlakalo kanjalo nokukhwabanisa okwabe kuqalwe ngabaphathi bangaphambilini.

Incwadi ebhalelwe uCarolus ngu Langa ithi: "Ngokubona kwethu, uma usho abaphathi baphambilini usho abaphathi abakade bephethwe yikhasimende lethu uNgqula."

ULanga uthe uCarolus unikwe kuze kube nguLwesibili ukuthi aphendule ngalolu daba lokuhlawula u-R40 million.



 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

  Landela Izindaba News24 kuTwitter (@IzindabaNews24).

- SAPA

Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 15-20°C Sunny. Cool. Pta: 16-30°C Strong thunderstorms. High level clouds. Warm.
Jhb: 15-26°C Morning clouds. Pleasantly warm. Bloem: 13-29°C Sunny. Pleasantly warm.
Dbn: 17-23°C Showers late. More clouds than sun. Mild. PE: 15-21°C Mostly sunny. Cool.
Isibikezelo sezulu sezinsuku ezingu-7...