Akunakekelwe abasebenzi - Ramaphosa

2013-01-10 11:01

Cape Town - Iphini elisha likaMengameli we-African National Cobgress, uCyril Ramaphosa, usenxuse abamabhizinisi ukuba baphathe kahle abasebezi babo, kusho umbiko ngoLwesine.

Ekhuluma esidlweni sasekuseni se-ANC samabhizinisi ePort Shepstone, KwaZulu-Natal, uRamaphosa uthe isehlakalo saseMarikana, lapho okwashona khona abavukuzi abangu-34 ngesikhathi bedutshulwa amaphoyisa, kumele sibe yisifundo kwabamabhizinisi.

"Okuningi okungahambanga kahle eMarikana kwadalwa ukuthi izimayini zazingafuni ukucabanga zisabalale," kusho uRamaphosa ongumqondisi weLonmin [JSE:LON], ngokusho kweTimesLive.

URamaphosa uthe izinkampani zezimayini zidinga ukuqonda kahle izimo abasebenzi abahlala ngaphansi kwazo.

"Lapho ebesingenzi kahle khona ukuphucula izimo zokuhlala zabantu, abamabhizinisi kumele babuyele emuva bazibuze umbuzo othi: "yikuphi esingakwenza ukuqinisekisa impucuko yenhlalo yabantu?", " ecashunwa.

URamaphosa wangena enkingeni ngesikhathi ama-e-mail akhe ayewathumela kubaphathi beLonmin ethulwa esidlangalaleni, kuwona wayephakamisa ukuba kuthathwe izinyathelo ezinqala ngesikhathi kuqhubeka isiteleka saseLonmin.




 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).


- Finance24

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Ezifundwe ukuzedlula zonke
Ezi-emailwe ukuzedlula zonke
Ezithasiselwe ukuzedlula zonke
Isimo sezulu
Emigwaqweni
iLotto
Cpt: 16-26°C Sunny. Warm. Pta: 17-26°C Heavy rain early. Morning clouds. Pleasantly warm.
Jhb: 12-20°C Numerous showers. Mostly cloudy. Mild. Bloem: 14-27°C Showers late. More clouds than sun. Pleasantly warm.
Dbn: 17-18°C Rain showers. More clouds than sun. Cool. PE: 15-20°C More sun than clouds. Mild.
Isibikezelo sezulu sezinsuku ezingu-7...