Uphume phambili owabulala umkakhe ecabanga ukuthi utikoloshe

2016-11-20 11:18

Cape Town – Owesilisa waseZimbabwe, owagwaza wabulala umkakhe ecabanga ukuthi utikoloshe, kubikwa ukuthi inkantolo imkhiphe phambili ngemuva kokuba ithole ukuthi akaphilile kahle ngokomqondo.

Isehlakalo senzeka ngo-Agasti wangonyaka odlule.

Ngokombiko wephephandaba loMbuso iChronicle, uMakiana Sandako, wasePetronella eMasvingo, wagwaza wabulala umkakhe uChiedza Regerai ecabanga ukuthi utikolosho obulokhu umshaya ubusuku bonke.

OLUNYE UDABA: Ugwetshiwe one-HIV owalala nenqwaba yabesifazane ethi ubakhipha amabhadi

Ehlisa isigwebo, uJaji Joseph Mafusire uthe umsolwa wayephazamisekile ngokomqondo ngesikhathi sesehlakalo.

Ngokombiko weNew Zimbabwe.com, uSandako wagwaza umkakhe kabili ngasemabeleni, waphinde wamgwaza kaningi emqaleni ngento ebukhali.

Inkantolo iphinde yatshelwa ukuthi ngemuva kokugwaza umkakhe, uSandako wazigwaza kanye emqaleni ngaphambi kokuba amemeze afune usizo.

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 14-17°C More sun than clouds. Mild. Pta: 8-28°C Sunny. Pleasantly warm.
Jhb: 10-25°C Sunny. Mild. Bloem: 6-24°C High level clouds. Mild.
Dbn: 20-26°C More sun than clouds. Mild. PE: 13-21°C Mostly sunny. Mild.
Isibikezelo sezulu sezinsuku ezingu-7...