UMengameli ujabulele ukungabikho kwe-load shedding

2017-04-19 12:31

Harare - NgoLwesine uMengameli Robert Mugabe, 93, uthe abantu baseZimbabwe kumele bakujabulele ukuthi sekuphele izinyanga ezingu-15 ungakaze unqamuke ugesi.

"Sonke kumele sijabule ngokuthi kusukela ngoJanuwari 2016 izwe selibe nezinyanga ezingu-15 ingekho i-load shedding," kusho uMugabe ngesikhathi kugujwa i-Independence Day eNational Sports Stadium njengoba sekuphele iminyaka engu-37 lelizwe lathola ukuzimela.

OLUNYE UDABA: Kushone abazalwane abahlanu kuketuka isikebhe

Ukunqamuka kukagesi kwakuvame kakhulu eZimbabwe ngo-2007 kanti ngalesi sikhathi ugesi wawubuyiswa amahora ambalwa, phakathi nobusuku.

Ukunqamuka kukagesi kwaqhubeka nango-2009 kuya ku-2013, nokuyinto eyayicasula kakhulu abantu bakuleliyalizwe njengoba babengakwazi ukubukela kahle imidlalo yeNdebe yoMhlaba ka-2010.

Nakuba ukucima kukagesi kusabonakala eZimbabwe, imvamisa sekugxekwa izinkinga zezintambo ngalokhu.

- News 24

Isimo sezulu
Emigwaqweni
iLotto
Cpt: 18-24°C Sunny. Mild. Pta: 19-26°C Heavy rain. More clouds than sun. Warm.
Jhb: 17-24°C Numerous showers. More clouds than sun. Mild. Bloem: 16-30°C Sunny. Pleasantly warm.
Dbn: 23-28°C a few tstorms. More clouds than sun. Warm. PE: 20-23°C Showers early. Morning clouds. Mild.
Isibikezelo sezulu sezinsuku ezingu-7...