Uhulumeni ufuna bagwetshwe iminyaka eyishumi abahushula izisulu

2017-03-18 12:30

Johannesburg – Iphalamende lase-Angola ngesonto elizayo lizovota ngesiphakamiso sokuba bagwetshwe iminyaka eyishumi bebhadla ejele abesifazane abahushula izisu kanye nabantu ababashusulisayo.

I-Amnesty International kanye neHuman Rights Watch banxusa iziphathimadla ukuba zibavumele kube nombhikisho ngoMgqibelo enhlokodolobha iLuanda, baphikisane nesiphakamiso.

"Sijwayele ukubona amaphoyisa ase-Angola esebenzisa isandla sensimbi kungenasidingo kubantu ababhikisha ngokuthula,” kusho uDeprose Muchena, we-Amnesty International.

OLUNYE UDABA: Owesilisa utholakale namathambo omuntu

Izinhlangano zamalungelo abantu zikhiphe isitatimende ngoLwesihlani zithi amalungu ephalamende afuna ukushintsha umthetho wango-1886.

Umthetho omdala awukubeki ukuthi umuntu kumele ajeziswe kanjani uma ehushule isisu.

Uhulumeni wase-Angola uphakamise ukuba kubengabantu abadlwenguliwe kuphela abavunyelwa ukuhushula izisu noma abesifazane impilo yabo esengozini ngenxa yokugula, kodwa iPhalamede lakuchitha lokho, ngokusho kwezinhlangano zamalungelo abantu

IPhalamende kulindeleke livote ngoMashi 23.

- News 24

Isimo sezulu
Emigwaqweni
iLotto
Cpt: 17-21°C Showers late. Morning clouds. Cool. Pta: 16-22°C Morning clouds. Mild.
Jhb: 13-21°C Afternoon clouds. Mild. Bloem: 15-28°C Mostly sunny. Warm.
Dbn: 20-32°C Sunny. Warm. PE: 19-25°C Rain late. Afternoon clouds. Mild.
Isibikezelo sezulu sezinsuku ezingu-7...