UGrace Mugabe ubonakale okokuqala emphakathini kulandela isigigaba sakuleli

2017-08-25 18:02

Harare – Unkosikazi kaMengameli waseZimbabwe, uGrace Mugabe, uvele okokuqala emphakathini kusukela afulathela iNingizimu Afrika ngemuva kwezinsolo zokushaya unobuhle waseGoli.

Lesi sigameko kusokalala ukuthi senzeka ehhotela elisendaweni yomntakabani, eSandton.

UGrace ubebukeka ethokozile ngoLwesihlanu ngesikhathi ehambe ebuka amatafula emibukiso eyahlukahlukene emcimbini wezolimo enhlokodolobha, iHarare.

Lo mcimbi kulindeleke ukuba uvulwe ngokusemthethweni nguMengameli Robert Mugabe, obuyele eZimbabwe nonkosikazi wakhe ngempelasonto ngemuva kokuthi iNingizimu Afrika imnikeze ushwele.

Ngemuva kwesigameko okusolakala ukuthi uGrace wahlasela kuso uGabriella Engels, kwaba nokuvungama abanye bethi uGrace kumele ashushiswe ngalezi zinsolo sezigameko sangomhlaka-13 Agasti.

OLUNYE UDABA: Nasi isizathu esenze uGrace Mugabe wahlasela uGabriella

I-AfroForum, okuyiyo eyeseka u-Engels isibabele enkantolo ngethemba lokuthi kube nzima kuGrace ukuba abuyele eNingizimu Afrika.

Izinhlangano ezingaphansi kukahulumeni eZimbabwe azithi vu ngalesi sigameko esibandakanya umama wesizwe.

Ngokusho kwemibiko yamaphephandaba, uGrace kuthiwa wabhadama amadodana akhe noGabriella Engels bedla izidakamizwa ehhotela wathukuthela maqede wabashaya.

Ngokusho kombiko weZim-News.net, uGrace wafaka incwadi efungelwe esiteshini samaphoyisa esola u-Engels ngokuhlinzeka amadodana akhe ngezidakamizwa.

UGrace kule ncwadi efungelwe waveza ukuthi amadodana akhe agadiwe ngakho awakwazi ukuzithengela izidakamizwa, yingakho abesebenzisa u-Engels.

- News24

Isimo sezulu
Emigwaqweni
iLotto
Cpt: 18-22°C Showers early. Partly cloudy. Cool. Pta: 18-27°C Showers early. Mostly cloudy. Warm.
Jhb: 16-24°C Passing showers. Mostly cloudy. Mild. Bloem: 14-25°C Showers early. More sun than clouds. Warm.
Dbn: 21-30°C a few showers. Mostly cloudy. Warm. PE: 19-26°C Showers early. Morning clouds. Mild.
Isibikezelo sezulu sezinsuku ezingu-7...