OwayeyiSekela likaNdunankulu waseLesotho ubalekele kuleli esongelwa

2017-08-31 16:00

Maseru – Usekubhaceni owayeyiSekela likaNdunankulu waseLesotho ngemuva kokuthola izinsongo ngokubulawa.

Kubikwa ukuthi uMothetjoa Metsing ubalekele kuleli ngenxa yokusabela impilo yakhe.

Umbiko we-BBC uthi lo mholi ubalekele kuleli ngenxa yesimo esibucayi sokungabekezelelani kuleliya lizwe ngemuva kokuba kubulawe unkosikazi kaNdunankulu uTom Thabane.

OLUNYE UDABA:UNdunankulu uthi akumethusi ukuthi angase aboshwe

Unkosikazi kaThabane wadutshulwa wabulawa ngezinsuku ezimbili ezandulela ukubekwa kwakhe esikhundleni sobuNdunankulu ngoJuni.

Khonamanjalo, owayenguNgqongqoshe wezekuVikelwa koMbuso, uTseliso Mokhosi, usanda kuboshwa ngokubulawa kwephoyisa ngo-2016.

Isidumbu saleli phoyisa satholakala ekuqaleni kwale nyanga.

Isimo silokhu sishubile eLesotho kulandela ukhetho kulo nyaka.


- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 14-16°C a few tstorms. More clouds than sun. Cool. Pta: 9-24°C Sunny. Mild.
Jhb: 7-19°C Sunny. Mild. Bloem: 3-23°C Sunny. Mild.
Dbn: 16-25°C Mostly sunny. Mild. PE: 12-23°C High level clouds. Mild.
Isibikezelo sezulu sezinsuku ezingu-7...