Kushone abantu abangu-10 ngenxa yezikhukhula eGhana

2016-06-15 10:01

Accra – Kushone okungenani abantu abayishumi okubandakanya nezingane ezingu-8 ngenxa yezikhukhula ezidalwe yizimvula ezinkulu eGhana, kusho umbiko.

Imvula ene ingenamkhawulo izinsuku ezine ngesonto eledlule idale lo monakalo enhlokodolobha i-Accra, kanye nasenkabeni yedolobha.

Lokhu kuza ngemuva kwesigameko sangonyaka odlule lapho kwashona khona abantu abangu-150 e-Accra kulandela ukuqhuma okwenzeka egalaji likaphethiloli.

OLUNYE UDABA: Umengameli unxusa ubumbano ezweni

"Babalelwa ku-10 abantu asebeshonile ngenxa yale mvula,” kusho owezinhlekelele ezweni uSandy Amartey etshela i-AFP.

"Kunabesifazane ababili nengane yentombazane abashone ngemuva kokuwelwa wudonga abebehamba eduzane kwalo,” kuqhuba u-Amartey.

Izakhamuzi zizwakalise intukuthelo kulandela ukushona kwabantu ngoba zithi uhulumeni wathembisa ukugwema izigameko ezifuze lezi ngesikhathi kwenzeka esifanayo ngonyaka ofile.

- AFP

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 12-17°C Rain early. More sun than clouds. Cool. Pta: 13-33°C Sunny. Pleasantly warm.
Jhb: 12-28°C Sunny. Pleasantly warm. Bloem: 8-26°C Sunny. Pleasantly warm.
Dbn: 15-24°C More sun than clouds. Mild. PE: 14-19°C Mostly sunny. Mild.
Isibikezelo sezulu sezinsuku ezingu-7...