Kushone 8 ekhonsathini yomculo abantu benyathelana

2016-10-19 10:00

Luanda – Kushone okungenani abantu abangu-8 ekhonsathini yomculo ngempelasonto e-Angola, kusho amaphoyisa nabazibonele kwenzeka lesi sigameko.

Kuthiwa abantu banyathelane sekuphunywa enkundleni yezemidlalo ebigcwele inyinyitheka.

Amaphoyisa aseBenguela akhiphe isitatimende amemezela ukuthi “Kushone abantu abangu-8 kanti imbangela yalokho ayikaziwa okwamanje”, aqhuba ngokuthi kuyaphenywa.

OLUNYE UDABA: Kushone 19 abazalwane begxobana ngezinyawo

UNelson Sul, oyintatheli yase-Angola ebikulo mcimbi i-Afromusic ngeSonto ebusuku, uthe kungenzeka ukuthi senyuke isibalo sabashonile.

“Ziningi izidumbu ezisemakhazeni. Umthombo ongaphakathi emaphoyiseni ungitshele ukuthi kungenzeka ukuthi bangu-20 abantu abashonile kulesi sigameko,” kusho uSul etshela i-AFP.

“Kube nesiphithiphithi ngemuva kokuphela kwekhonsathi ngenxa yokuthi amaphoyisa abethungatha izigilamkhuba enkundleni yezemidlalo, abantu base badudulana bezama ukubaleka.”

- AFP

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 15-21°C Sunny. Cool. Pta: 20-30°C High level clouds. Warm.
Jhb: 18-25°C More sun than clouds. Mild. Bloem: 13-30°C Sunny. Pleasantly warm.
Dbn: 18-20°C Passing showers. Mostly cloudy. Cool. PE: 14-22°C Morning clouds. Mild.
Isibikezelo sezulu sezinsuku ezingu-7...