Kubulawe 11, kweqa iziboshwa ezingaphezu kuka-900 ejele

2017-06-12 11:00

Goma – Kubulawe abantu abangu-11 kweqa iziboshwa ezingaphezu kwezingu-900 ngeSonto ngemuva kokuba abasolwa abangaziwa behlasele ejele lase-DRC, kusho izikhulu.

"Ijele iKangwayi eliseBeni lihlaselwe ngo-15:30 ntambama ngabasolwa abangakaziwa," kusho uJulien Paluku, onguNdunankulu esifundazweni iNorth Kivu, etshela izintatheli.

"Ekudubulaneni okubephakathi kwezigebengu nabezokuphepha, iziphathimandla zithole ukuthi bangu-11 abashonile okubalwa kubona nabangu-8 bezokuphepha,” kusho uPaluku, oqhube wathi: "Okwamanje, kusele iziboshwa ezingu-30 ejele, kwezingu-966 ebeziboshiwe."

OLUNYE UDABA: Uvele wahayiza unogada egwetshwa enkantolo

UPaluku uthe akuvunyelwe kuphume muntu endaweni yaseBeni neyaseButembo okwamanje.

 “Amaphoyisa kuphela avumeleke ukuphuma kulezi zindawo okwamanje,” esho.

Indawo yaseBeni - kusukela ngo-2014 – isiyaphenduka inkundla yodlame oseludlule nemiphefumulo yezakhamuzi ezingafinyelela ku-700.

Kusolwa kakhulu amavukelambuso e-Allied Democratic Forces (ADF) ngokubulawa kwabantu.

- AFP

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 20-24°C Mostly sunny. Mild. Pta: 15-33°C High level clouds. Pleasantly warm.
Jhb: 18-29°C High level clouds. Pleasantly warm. Bloem: 19-32°C Scattered showers. Morning clouds. Pleasantly warm.
Dbn: 20-31°C Afternoon clouds. Warm. PE: 21-27°C More clouds than sun. Warm.
Isibikezelo sezulu sezinsuku ezingu-7...