Kuboshwe owakuleli ngokuhamba ngasemzini kaMugabe - Umbiko

2017-05-10 12:30

Harare – Owesilisa waseNingizimu Afrika kubikwa ukuthi uboshelwe emzini woMbuso okuhlala kuwona uMangemeli Robert Mugabe eHarare ngempelasonto ngecala lokutholakala endaweni angafanele ukuba kuyona.

Imibiko yangoLwesithathu ithi u-Adriaan Philip Olivier, 30, wayengumzingeli eSave Safaris eseDevure Range eBikita.

Uboshwe ehamba ngemoto yohlobo lweToyota Land Cruiser kuBorrowdale road ngezithuba zabo-03:00 ekuseni ngeSonto.

U-Olivier utholakale nezinhlamvu ezinhlanu zesibhamu.

Ngokombiko weNews Day, u-Olivier uvele eNkantolo yeMantshi ngoLwesibili wagwetshwa izinyanga ezimbili ebhadla ejele noma ahlawule ngo-$150 ngokungena emzini ngokuba sendaweni kaMengameli ngaphandle kwemvume.

OLUNYE UDABA: Obeboshiwe ucishe washona efica umkakhe esekhulelwe

Icala limhlale ngemuva kokuba elivumile, kodwa ukhale ngokuthi ungene kule ndawo ngoba edukile.

U-Olivier uthe ubengayazi imithetho yakuleya ndawo, ngokombiko wephephandaba iHerald.

Umgwaqo abehamba kuwona uvumeleke kuphela ukuhamba izimoto phakathi kuka-06:00 no-18:00 nsuku zonke ngezizathu zezokuphepha.

Ehlisa isigwebo uMantshi uLazini Ncube uthe u-Olivier uyaqala ukwenza icala, futhi ulivumile, akazange achithe isikhathi senkantolo.

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 14-18°C More clouds than sun. Mild. Pta: 17-32°C Sunny. Pleasantly warm.
Jhb: 14-27°C Sunny. Pleasantly warm. Bloem: 12-31°C High level clouds. Pleasantly warm.
Dbn: 19-34°C Sunny. Hot. PE: 17-24°C Sunny. Mild.
Isibikezelo sezulu sezinsuku ezingu-7...