Izilengisile edlwengule udadewabo kankosikazi omncane

2016-10-06 12:35

Bulawayo - Izilengisile indoda ngemuva kokudlwengula udadewabo kankosikazi wakhe omncane oneminyaka engu-5 ubudala.

Okhulumela amaphoyisa aseMidlands u-Inspector Joel Goko ngoLwesithathu uqinisekise ukuthi amaphoyisa ancinzwe indlebe ngesigameko sokushona komuntu e-Amaveni, eKwekwe, njengamanje kusaqhutshekwa nophenyo.

OLUNYE UDABA: Unogada kasaziwayo obanjwe inkunzi uthi uzozibamba izigebengu

USamson Machaya, 60, waba nengxabano nonkosikazi wakhe mayelana necala lokudlwengula ayesolwa kulo.

UMachaya wayenqaba ukuya enkantolo ethi ekafuni ukuya ejele yena ngento angayenzanga. Kwasuka ingxabano enkulu uMachaya wabaleka ekhaya kusukela ngomhlaka-1 Okthoba ngezithuba zabo-18:00 wangaphinde wabuya.

UGoko uthe amaphoyisa abe esemubheka, athola isidumbu sikaMachaya silenga esihlahleni esiseduze nehlathi ngoMsombuluko, kubika iBulawayo24.


- “Like” ikhasi lethu kuFacebook ukuze uthole izindaba ngolimi lwakho                                

 - Landela IzindabaNews24 kuTwitter


- News24

Isimo sezulu
Emigwaqweni
iLotto
Cpt: 18-24°C Sunny. Mild. Pta: 19-26°C Heavy rain. More clouds than sun. Warm.
Jhb: 17-24°C Numerous showers. More clouds than sun. Mild. Bloem: 16-30°C Sunny. Pleasantly warm.
Dbn: 23-28°C a few tstorms. More clouds than sun. Warm. PE: 20-23°C Showers early. Morning clouds. Mild.
Isibikezelo sezulu sezinsuku ezingu-7...