‘Indodakazi’ kaMugabe isungule iqembu lezepolitiki

2016-03-01 17:03

Harare – Lowo owayeyisekela likamengameli eZimbabwe, uJoice Mujuru, usungule iqembu elisha ngemizamo yokuphonsela inselelo iqembu likaMengameli Robert Mugabe, iZANU-PF.

"Namhlanje wusuku oluzoba semagomagomeni omlando,” kusho uMujuru esungula iqembu lakhe iZimbabwe People First esithangamini sabezindaba.

UMugabe, osanda kugubha iminyaka engu-92 ubudala, waphatha iZimbabwe kusukela ngo-1980.

OLUNYE UDABA: Kwakungekho sandla semfene kolukaMujuru

Kanti kulindeleke ukuthi alungenele futhi ukhetho luka-2018.

"Kumele iqedwe nya indaba yenkohlakalo kuleli lizwe,” kusho uMujuru.

UMujuru wayengamathe nolimi noMugabe esaku-ZANU-PF, kanti lo mengameli wayethatha uMujuru njengendodakazi yakhe ngendlela ababezwana ngayo.

- AFP

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 15-21°C Sunny. Cool. Pta: 20-30°C High level clouds. Warm.
Jhb: 18-25°C More sun than clouds. Mild. Bloem: 13-30°C Sunny. Pleasantly warm.
Dbn: 18-20°C Passing showers. Mostly cloudy. Cool. PE: 14-22°C Morning clouds. Mild.
Isibikezelo sezulu sezinsuku ezingu-7...