Bazogwetshwa abamba ithuna loyi-albino befuna ukwenza umuthi

2017-11-02 12:30

Blantyre – Inkantolo yaseMalawi ithole abasolwa abathathu banecala lokumba isidumbu sentombazane, 16, ethuneni ngoba befuna ukwenza umuthi.

Ngokubika kwephephandaba iNyasa Times, uThomas Ndini, 36, u-Enock Banda, 26, noJonas Ogara, 32, balahlwe yicala lokumba ngokungemthetho isidumbu sikaChosadziwa Kaunda, owayeyisiphiwo.

IMantshi uViva Nyimba izwe ukuthi phakathi kuka-Ephreli noMeyi kulo nyaka, laba basolwa bamba isidumbu sikaChosadziwa owashona ngo-2016.

Amathambo akhe awakatholakali namanje kodwa kutholakale ukuthi sekuwumkhuba odlangile ukumbiwa kwamathuna abantu abangama-albino kuleliya lizwe.

OLUNYE UDABA:Kubanjwe isihlobo sizama ukudayisa umfana oyi-albino

Ekuqaleni kwalo nyaka amaphoyisa aseLilongwe abopha owesilisa etholakala namathambo omuntu onebala elimhlophe.

Ngesikhathi kwenziwa uphenyo, kwatholakala ukuthi la mathambo angakaSpiriano Felix, owashona ngo-Ephreli 2016.

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 14-16°C Rain. More clouds than sun. Cool. Pta: 10-25°C Sunny. Mild.
Jhb: 7-21°C Sunny. Mild. Bloem: 5-22°C Sunny. Mild.
Dbn: 17-26°C Sunny. Mild. PE: 13-21°C Scattered tstorms late. Afternoon clouds. Mild.
Isibikezelo sezulu sezinsuku ezingu-7...