Siyakhula esabashone eGhana
2012-11-08 16:20
Accra - Siyakhula isibalo sabantu abashone ekuweni kwebhilidi eliyinxanxathela yezitolo e-Accra, eGhana, njengoba kumanje silele kwabayisishiyagalolunye, babe ngu-67 abatakuliwe.
"Kuze kube manje bangu-76
abatakuliwe, abayisishiyagalolunye kubo baphume sebeshonile. Siyaqhubeka nokutakula," kusho umqondisi ophethe amasosha atakulayo uDan Mishio.
Phambilini bebebathathu abantu ebekubikwe ukuthi bashonile, babe ngu-51 abatakulwe bephila.
Kulindeleke ukuthi kutheleke ithimba labatakuli abangu-18 abavela kwa-Israyeli, abazozama ukusiza kutakulwe abantu.
Akwazeki ukuthi bangaki abantu ekade bengaphakathi ebhilidini ngesikhathi liwa, ibhilidi leli liyinxaxathela yezitolo enezitezi eziyisithupha.
– Landela IzindabaNews24 kuTwitter
(@IzindabaNews24).
