Sishubile isimo e-Egypt
2013-01-28 07:20
Cairo - UMengameli wase-Egypt usememezele ukuthi mawahlonzwe njengendawo yesimo esiphuthumayo amadolobha amathathu ezweni kulandela udlame lwangempelasonto, noludlule nempilo yabantu abangu-49.
UMohamed Morsi, nowadla umhlanganiso okhethweni lwangoJuni ngaphansi kweMuslim Brotherhood, wenze lesi simemezelo kuthelevishini kulandela izinsuku ezine zodlambedlu.
IBrotherhood ibilokhu isola uHosni Mubarak ngokusebenzisa lolu hlelo njengemizamo yokucindezela.
“Ngathembisa ngokungenzi izinqumo ezinqala ngaphandle uma ngiphoqelekile, njengakulesi sikhathi nje. Ngimemezela amadolobha i-Ismailia, Suez nePort
Said njengezindawo ezikhungethwe wudlame,” kuqhuba uMorsi.
- Landela
IzindabaNews24 kuTwitter
- Reuters
