Senyukile esabashone emvuselelweni

2013-01-03 11:00

Lisbon - Isibalo sabashone emvuselelweni eyandulele unyaka omusha enkundleni yezemidlalo e-Angola eLuanda, sesinyukele ku-16, kusho iphephandaba lombuso iJornal de Angola ngoLwesithathu.

Abezindaba i-Angop bathe ngoLwesibili kugxobeke kwashona abantu abayishumi kwalimala abangu-120 esangweni laseCidadela Desportiva stadium, okuyilapho i-Universal Church of the Kingdom of God (IURD) ibihlele khona imvuselelo.

Isibalo manje sesinyukele ku-16, kuhlanganisa izingane ezintathu, kusho okhulumela abezimo eziphuthumayo etshela iphephandaba.

I-Angop icaphune uPaulo de Almeida, oyiphini lomholi wamaphoyisa ase-Angola, ethi ezokuphepha bezihleliwe kule mvuselelo kodwa isibalo sabayithamelile saba ngaphezulu kwalokhu obekulindelwe.

Uthe balinganiselwa ku-150 000 abantu abazame ukungena enkundleni emumatha abantu abangu-50 000.

Isikhulu se-IURD ngaphambilini sitshele i-Angop ukuthi ibandla belilindele abantu abalingniselwa ku-70 000.







 – Landela Izindaba News24 kuTwitter (@IzindabaNews24).


- Reuters

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 14-21°C Sunny. Mild. Pta: 4-19°C Sunny. Mild.
Jhb: 2-14°C Sunny. Cool. Bloem: 1-18°C Sunny. Mild.
Dbn: 9-26°C Sunny. Mild. PE: 8-26°C Sunny. Pleasantly warm.
Isibikezelo sezulu sezinsuku ezingu-7...