Sebeqala ukunyakaza abe-M23
2012-11-28 14:03
Goma - Abahlali basedolobheni iGoma bathi amavukelambuso eqembu i-M23, aseqalile ukulayisha amaloli ngenhloso yokuphuma kuleli dolobha, elingumongo wezwe iDemocratic Republic of Congo, kusho isikhulu kuhulumeni.
Abahlali bathi maningi amaloli abonakale elayisha impahla, kusho lesi sikhulu esingathandanga ukudalulwa igama.
"Ngokusho kwabo, bayahamba baya eRutshuru naseRumangabo," okungamadolobha asenhla neGoma, avele aphethwe yizidlamlilo.
Lezi zigayigayi ze-M23 zangenisa eGoma kusukela ngoNovemba 20, ngoLwesibili zimemezele ukuthi zizohamba kule ndawo zingakapheli izinsuku ezintathu.
Bazoqhela ngamakhilomitha angu-20, kusho isivumelwano esisayinwe phansi.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter
(@IzindabaNews24).
- AFP