Liyelashwa isosha elingenwe yi-Ebola

2014-12-05 16:00

Monrovia – Amasosha e-United Nations agcina ukuthula eLiberia athi elinye lamalungu awo selingenwe yigciwane le-Ebola.

Kungokwesithathu amasosha ebika ngosengenwe yileli gciwane njengoba ababili baphambilini bashona.

Isikhulu sethimba le-UN kuleliya lizwe, uKarin Landgren, uthe elinye lamasosha kutholakale ukuthi lingenwe yileli gciwane ngoLwesithathu.

Kuthiwa lesi siguli sithola ukwelashwa eMonrovia.

Funda nalolu daba: 'Abazithibe ocansini abasinde kwi-Ebola.'

ULandgren uthe abantu abangu-16 abathintane naleli sosha sebegcinwe endaweni yabo bodwa.

Igciwane le-Ebola selingene kubantu abalinganiselwa kwabangu-17 300, labulala abalinganiselwa ku-6 100, kanti lihlasele kakhulu eLiberian nasemazweni angomakhelwane, iGuinea neSierra Leone.



 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24). 

- AP

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 14-16°C Rain. More clouds than sun. Cool. Pta: 9-24°C Sunny. Mild.
Jhb: 7-19°C Sunny. Mild. Bloem: 3-23°C Sunny. Mild.
Dbn: 16-25°C Mostly sunny. Mild. PE: 12-23°C High level clouds. Mild.
Isibikezelo sezulu sezinsuku ezingu-7...