Kushone amakhulu amavukelambuso eMali - Umbiko
2013-02-06 14:03
Gao - Amasosha aseFrance atshalwe eMali, asebulale amakhulu amasosha amelene nohulumeni wezwe laseMali, kanti imibiko ithi kusukela ngenyanga kaMashi, abaseFrance bazoqala bahoshe izinyawo.
UNqongqoshe wezokuVikela uJean-Yves Le Drian uthe ukungenelela kwamasosha aseFrane kwezinsuku ezingu-26 kushiye phansi izidumbu zamakhulu amavukelambuso akade ebambe impi ngasemngceleni ongenela e-Algeria.
UMnyango uthi abaningi bashone ngesikhathi amasosha aseFrance ehlasela esemoyeni, ebhekise emotweni ebithwele izikhali ebezibhekiswe emadolobheni iKonna neGao.
IMali thi ishonelwe ngamasosha angu-11 kusukela kwaqala impi, kwalimala amanye angu-60 ngesikhathi itholene phezulu eKonna, ngenyanga eyedlule.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela Izindaba News24 kuTwitter
(@IzindabaNews24).
- SAPA
