Kushone 14 ibambene eNigeria
2013-01-02 09:00
Kano - Amasosha aseNigeria atholane phezulu namaphekula eqembu lamaSulumane iBoko Haram, enhla nedolobha iMaiduguri, kwagcina kushona amaphekula angu-13 nesosha elilodwa.
"Ngezithuba zawo-16:00, amasosha eJoint Task Force Operation Restore Order atholane phezulu neBoko Haram, eBulabulin naseBayan Quarters," kusho okhulumela umbutho uSagir Musa.
"Silahlekelwe yisosha laba linye, amabili alimala. Kushone abangu-13 beBoko Haram,” echaza.
Umbiko wezakhamuzi uthi amaphekula eBoko Haram anquma oqhoqhoqho babantu abangu-15, benkolo yamaKrestu.
Impi eqhubeka phakathi kwamasosha neBoko Haram, isidlule nemiphefumulo yabantu abalinganiselwa ku-3 000, kusukela ngo-2009.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela Izindaba News24 kuTwitter
(@IzindabaNews24).