Kuhlehlisiwe ukugwetshwa kuka-Okah

2013-02-01 12:01

Johannesburg - Kuhlehlisiwe ukwethulwa kwesigwebo salowo owalahlwa amacala obushokobezi, nodabuka eNigeria, uHenry Okah, eNkantolo eNkulu yaseGoli ngoLwesihlanu.

Lokhu kuhlehliselwe uFebhuwari 28.

Ummeli ka-Okah uLucky Maunatlala ucele ukuthi lolu hlelo luhlehliswe ukunikeza isikhathi sokuza kuleli ofakazi abaqhamuka eNigeria naseMelika.

U-Okah watholakala enamacala angu-13 obushokobezi, okubalwa nokwakha itulo lokuqhuba lezi zigameko kanjalo nokuthola nokusabalalisa iziqhumane.

La macala ahlobene nezimoto ezimbili ezazihlohlwe amabhomu ezaqhuma e-Abuja, eNigeria, nalapho kwashona khona abantu abangu-12 kwalimala abangu-36 ngo-Okthoba 2010.

Esinye isigameko esangoMashi 2010 edolobheni iWarri khona eNigeria.

Ngaphambi kokuthi amlahle, u-Okah, wawaphika wonke la macala.

 

 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter


- SAPA

Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 17-24°C High level clouds. Mild. Pta: 17-30°C Morning clouds. Pleasantly warm.
Jhb: 15-25°C More clouds than sun. Warm. Bloem: 17-30°C Showers early. More sun than clouds. Warm.
Dbn: 20-29°C Morning clouds. Warm. PE: 18-28°C Sunny. Warm.
Isibikezelo sezulu sezinsuku ezingu-7...