Kubulawe owaseSudan e-Egypt

2013-02-06 12:02

Rafah - Isikhulu sezokuphepha eGibhithe sithi amaphoyisa agada emngceleni adubule abulala owesilisa waseSudan obezama ukweqela kwa-Israel.

Lesi sikhulu ngoLwesithathu sithe amaphoyisa adubule emoyeni, kodwa lo mlisa waseSudan wasiziba isexwayiso ngemuva kwalokho wadutshulwa washona.

Isidumbu sakhe, uMukhtar al-Hafed al-Bashir oneminyaka engu-19 ubudala siyiswe esibhedlela eRafah eduzane nomngcele.

Lesi sikhulu asifunanga ukudalulwa igama laso ngoba singagunyaziwe ukukhuluma nabezindaba.

Amaphoyisa omngcele aseGibithe ajwayele ukuvulela ngenhlamvu kubantu base-Afrika abazama ukungena kwelakwa-Israel, nokuyisenzo esigxekwa kwakhulu abezamalungelo abantu.

Izinkulungwane zabantu base-Afrika ezizama ukuphikelela kwa-Israel zisuka eGibhithe minyaka yonke, zibeka impilo yazo engcupheni, ziyofuna imisebenzi noma ukubhaca.


 

 - Landela IzindabaNews24 kuTwitter


- Sapa - AFP

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 10-14°C Morning clouds. Cool. Pta: 6-22°C Showers late. More sun than clouds. Mild.
Jhb: 3-16°C Showers late. More sun than clouds. Cool. Bloem: -1-13°C High level clouds. Cool.
Dbn: 10-12°C Numerous showers. Mostly cloudy. Quite cool. PE: 7-15°C a few showers. Afternoon clouds. Cool.
Isibikezelo sezulu sezinsuku ezingu-7...