Kuboshwe ophethe amaphekula e-DRC

2013-02-11 16:25

Bukavu - Amaphoyisa aseDemocratic Republic of Congo asebophe ubhongoza eqenjini lamavukelambuso esifundazweni iSouth Kivu, kusho esinye sezikhulu esifundazweni.

UGustave Bagayamukwe Tadji, oyinhloko ye-Union of Revolutionary Forces of Congo (UFRC), uboshwe ngeSonto, ngesikhathi etheleka esiqhingini i-Uvira, kusho isikhulu uDesire Kyakwima.

UBagayamukwe wakhuluma ngenyanga eyedlule, ememezela ukusungulwa kwe-UFRC, ethi inhloso yayo ukuqumba phansi umbuso kaMengameli uJoseph Kabila.

UKabila ube sezintanjeni kusukela ngo-2001.

UKyakwima uthi uBagayamukwe uzodluliselwa enhlokodolobha iKinshasa.

Ngemuva kokusungulwa kweqembu likaBagayamukwe, bahambisa incwadi kwabezindaba ze-AFP bethi iqembu lifuna kuyiwe okhethweni ngokushesha, kuze kuzobuyiswa uzinzo kwezombusazwe.

Isitatimende se-UFRC saqhubeka sathi bafuna uhulumeni akumise ukuthunyelwa kwamasosha akwamanye amazwe, ngenhloso yokuzoqapha emngceleni ophakathi kwe-DRC neRwanda.



 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).

Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 15-20°C Sunny. Cool. Pta: 16-30°C Strong thunderstorms. High level clouds. Warm.
Jhb: 15-26°C Morning clouds. Pleasantly warm. Bloem: 13-29°C Sunny. Pleasantly warm.
Dbn: 17-23°C Showers late. More clouds than sun. Mild. PE: 15-21°C Mostly sunny. Cool.
Isibikezelo sezulu sezinsuku ezingu-7...