Kuboshwe abeBoko Haram eNigeria
2012-10-10 14:37
Kano - Amaphoyisa asenhla nezwe iNigeria athi asebophe abasolwa abayisishiyagalombili abangaphansi kwenkolo yamaSulumane, ekuthiwa bahlobene nezenzo zokubulawa kwamaphoyisa amabili.
Amaphoyisa adutshulwa abulawa ngabasolwa ababehamba ngezithuthuthu, amaphoyisa lawa ayehamba engena umuzi nomuzi, kujovwa abantu bejovelwa uvendle.
Okhulumela amaphoyisa uMagaji Majia uqinisekise ukuboshwa kwabasolwa, uthe lokhu kuhlaselwa kungokunye okwejwayelekile okuvame ukwenziwa ngabeqembu iBoko Haram.
"Sibophe abasolwa abayisishiyagalombili abaseqenjini iBoko Haram, basolwa ngokubulala amaphoyisa amabili," kusho uMajia.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter
(@IzindabaNews24).
- Sapa - AFP