Izidubedube zibulale 38 eKenya

2012-09-10 15:18

Nairobi - Inhlangano iRed Cross ithi ukulwa okuqhubekayo phakathi kwezizwe ezimbili eKenya kuyadlondlobala ngoMsombuluko, njengoba sekubulawe abantu abangu-38, kuhlanganisa namaphoyisa ayisishiyagalolunye.

UNobhala Jikelele weRed Cross eKenya u-Abbas Gullet ngoMsombuluko uthe kulokhu kuhlasela okubonakale kukhona abantu abangaphezulu kuka-300 besizwe samaPokomo behlasela esama-Orma esigodini sabo.

Phakathi kwabashonile bekukhona  nezingane eziyisishiyagalombili. 

Abahlaseli bacekele phansi izindlu ezingu-167.

UGullet uthe nakuba lezi zizwe ezimbili zijwayele ukulwa zibanga amanzi nomhlaba, lolu dlame  kungenzeka ukuba olwepolitiki.

NgoLwesihlanu angu-11 amalungu esizwe samaPokomo abulawe amalungu omphakathi wase-Orma ngesikhathi eziphindiselela.

Phambilini amaPokomo abulale amalungu esizwe sama-Orma angu-52.


 - Landela IzindabaNews24 kuTwitter


- Sapa - AFP

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 10-19°C Sunny. Mild. Pta: 9-24°C Sunny. Mild.
Jhb: 7-20°C Sunny. Mild. Bloem: 3-21°C Sunny. Mild.
Dbn: 16-22°C Scattered tstorms late. Partly cloudy. Cool. PE: 10-21°C Sunny. Mild.
Isibikezelo sezulu sezinsuku ezingu-7...