Isiphihli somcimbi wokuzalwa kukaMugabe
2013-02-06 16:23
Cape Town - Aqalile amalungiselelo omcimbi wokubungaza usuku lokuzalwa lulaMengameli waseZimbabwe uRobert Mugabe, ozobe eqeda iminyaka egu-89 edla anhlamvana.
Umbiko wephephandaba iHerald uthi kuhlelwe ukuthi umcimbi lona udle isamba esingu-$600 000, kuzokolekwa iminikelo kubantu bezwe.
Kuhlelwe ukuthi kube nesiphihli sedili enkundleni yezemidlalo iChipadze Stadium, eBindura, mhlaka-23 Febhuwari.
Umcimbi uzokuba ngaphansi kwesiqubulo esithi: "Youth for Indigenisation,
Empowerment, Development and Employment Creation".
Usihlalo wekomidi elihlela umcimbi u-Absolom Sikhosana, akafunanga ukuphumela obala ngezindleko zomcimbi.
"Ikhona imali esesikwaze ukuyihlanganisa, konke kuhamba ngohlelo," echaza.
Kulindeleke ukuthi umcimbi lona uhehe abantu abangaphezu kuka-60 000.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela Izindaba News24 kuTwitter
(@IzindabaNews24).
- News24