Inkantolo igxeke uMorsi

2012-11-28 16:19
Yabelani Shicilela

Cairo - INkantolo yoMthethosisekelo eGibhithe isigxeke uMengameli wezwe uMohammed Morsi, ngokuba kwakhe yingxenye yombhikisho obubanjwe ngaphandle kwenkantolo, yathi ubhebhezela ukungaboni ngaso linye phakathi kwezomthetho nabenkolo yamaSulumane.

UMorsi uthukuthelise abomthetho ngesikhathi ebanqinda amandla okuthatha izinqumo emacaleni ahlobene nemithetho yebenkolo yamaSulumane.

Lokhu kwenza kukaMorsi kuqubule udlame, oluqhamuka kubahlali namaqembu aphikisayo.

NgoLwesithathu ekuseni amaphoyisa avulele isisi esikhalisa unyembezi ebhekise kubabhikishi nabo ebebengazibekile phansi behlasela ngamatshe eTahrir Square, njengoba izindimbane zabantu beziqhinqile zilindele ukuthi uMorsi ahoxise amandla azinike wona.

"Ukuba yingxenye yombhikisho okwenziwe ngumengameli kube yisenzo esibuhlungu kakhulu, nesithukuthelise abanye bomthetho. Lokhu kubhebhezela ukubukelwa phansi komthetho," kusho umkhulumeli wenkantolo uMaher Samy.

UMorsi wasayinda phansi enquma ethi izinkantolo engeke zisawathetha amacala ahlanganisa nemithetho yabenkolo yamaSulumane, waphinde wanquma ukushicilela uMthethisisekelo omusha.




 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

  Landela Izindaba News24 kuTwitter (@IzindabaNews24).

- Reuters

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Ezifundwe ukuzedlula zonke
Ezi-emailwe ukuzedlula zonke
Ezithasiselwe ukuzedlula zonke
Isimo sezulu
Emigwaqweni
iLotto
Cpt: 13-20°C Sunny. Mild. Pta: 10-24°C Sunny. Mild.
Jhb: 9-17°C Sunny. Mild. Bloem: 6-16°C Mostly sunny. Cool.
Dbn: 17-22°C Morning clouds. Mild. PE: 11-19°C Passing showers. Clearing skies. Mild.
Isibikezelo sezulu sezinsuku ezingu-7...