Bayishaya indiva eye-tsunami eMozambique
2012-04-11 16:38
Maputo - Izikhulu eziphezulu eMozambique zithi azinalo uvalo lokuthi kuzohlasela i-tsunami kuleliya lizwe, njengoba amazwe amaningi enamaphaphu aphezulu kulandela isexwayiso.
Ukuhlasela kwamagagasi anamandla e-Indonesia kuholele ekutheni kukhishwe isexwayiso sokuthi abantu bazilungiselele ukuhlasela kwe-tsunami.
"Ukube bekuthiwa kukhona into ekumele yenzeke ngabe seyenzekile," kusho isikhulu sezimo eziphuthumayo ezweni uDulce Chilundo, etshela abezindaba.
Imibiko ithe i-tsunami ibizohlasela eMozambique ngezithuba zasekuseni ngoLwesithathu, nokho akukho okwenzekile.
UChilundo uthi izikhulu eMozambique zizoqhubeka nokuqapha isimo.
– "Like" ikhasi lethu ku-Facebook uze ukwazi ukujoyina inkulumo ngolimi
lwakho.
– Landela IzindabaNews24 kuTwitter (@IzindabaNews24).
- News 24
