Babambe umbhikisho eBamako
2012-10-12 10:03
Bamako - Izinkulungwane zabantu zibambe umbhikisho enhlokodolobha yaseMali, iBamako, ngenhloso yokuzama ukuphoqa amasosha kahulumeni ukuthi angenelele ekuhlakazeni izihonga zamaSulumane ezihlomile.
Ababhikishi bebethwele izingqwembe ezikhombisa ukweseka amasosha ezwe, uNdunankulu uCheick Modibo Diarra kanjalo ne-Economic Community of
West African States (Ecowas), okumanje ihlela ukwandisa isibalo samasosha azotshalwa kuleli lizwe.
Umbhikisho uza nje, iFrance ne-United Nations basanda kufaka ingcindezi ku-Ecowas ne-African Union, ithi azingapheli izinsuku ezingu-30 bengaqhamukile nohlelo lokubuyisa uzinzo enhla nezwe iMali.
Umthombo ongaphakathi ku-European Union, uthi i-EU ihlela ukwelekelela iMali ngokwandisa amasosha.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela Izindaba News24 kuTwitter
(@IzindabaNews24).
- SAPA