Akukhululwe intatheli eSomalia- Inhlangano

2013-01-28 12:03

Nairobi - ISomalia kumele idedele intatheli eboshwe ngamaphoyisa emasontweni amabili edlule, ngemuva kokuthi ibe nengxoxo nowesifazane othi wadlwengulwa yisikhulu sikahulumeni, kusho abenhlangano emele ukuvikela abezindaba.

Intatheli u-Abdiaziz Abdinuur, osebenzela imisakazo eminingi eSomalia, waboshwa mhlaka-10 Januwari, wangathweswa macala.

"Awukho umthetho ovimbela abezindaba ukuthi bakhulume nabantu bababuze izindaba," kusho inhlangano ezinze eMelika iCommittee to Protect Journalists.

I-CPJ ibhale incwadi ebhekiswe kuMengameli wezwe uHassan Sheikh Mohamud, ithi akudedelwe intatheli ngokushesha.

"Ukuboshwa kwentatheli kuthumela umalayezo ongemuhle ngokukhululeka kwabezindaba baseSomalia.

Abenhlangano iHuman Rights Watch ne-CPJ, bakhipha isitatimende ngokuhlanganyela bethi ukuboshwa kuka-Abdinuur kuhlobene nokubhala kwakhe ngesehlakalo sokudlwengulwa kwalona wesimame.

Zingu-18 izintatheli ekubikwa ukuthi zabulawa eSomalia, ngonyaka owedlule.



 

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).



- Sapa - AFP

Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 15-22°C High level clouds. Cool. Pta: 14-27°C Passing showers. More clouds than sun. Warm.
Jhb: 13-23°C Passing showers. Morning clouds. Mild. Bloem: 15-31°C Sunny. Pleasantly warm.
Dbn: 16-19°C a few showers. More clouds than sun. Cool. PE: 13-20°C Scattered clouds. Cool.
Isibikezelo sezulu sezinsuku ezingu-7...